Samoan Father's Love Letter

Heilig777 — 22 May 2010 — Tusi Aualofa mai ia Tama Lo'u Afafine e / Lo'u Atalii e, A tonu e te leiloa a'u, ae oute iloa mea uma e uiga i...
Heilig777 — 22 May 2010 — Tusi Aualofa mai ia Tama

Lo'u Afafine e / Lo'u Atalii e,

A tonu e te leiloa a'u,
ae oute iloa mea uma e uiga ia te oe.
Salamo 139:1

Oute iloa taimi e te nofo ai i lalo,
ma taimi e te tula'i ai i luga.
Salamo 139:2

Oute masani i ou ala uma.
Samalo 139:3

E oo lava i lauulu o lou ulu ua faitaulia uma ia.
Mataio 10:29-31

Ona o oe na faia i lo'u lava faatusa.
Kenese 1:27

I totonu ia te a'u e te ola ma gaoioi
ai ma e tumau ai ia te oe lava.
Galuega 17:28

Aua o oe o se tasi o la'u fanau.
Galuega 17:28

Na ou iloa oe a o le'i faia oe.
Ieremia 1:4-5

Na ou tofia oe ina ua ou fuafuaina le galuega.
Efeso 1:11-12

E le'i lilo ona faia oe, aua o ou aso uma
o loo tusia lea i la'u tusi.
Salamo 139:15-16

Na ou fuafuaina le taimi tonu e te fanau
mai ai male mea ole a e nofo ai.
Galuega 17:26

Ua faia oe i ala mata'utia male matagofie.
Salamo 139:14

Na ou lalagaina ma ufiufi oe i
totonu ole manava o lou tina.
Salamo 139:13

Ma aumaia oe mai le manava o lou tina ile
aso na e fanau ai.
Salamo 71:6

Ua ta'u pepeloina a'u e ni tagata ae
latou te leiloa a'u.
Ioane:8:41-44

Oute le mamao pe ita foi, ae o a'u ole
alofa atoatoa lea.
1 Ioane 4:16

Ma o lo'u mana'o ia silisili ma tele
naua lo'u alofa mo oe.
1 Ioane 3:1

Aua o oe o se tasi o la'u fanau
ma o a'u o lou Tama.
1 Ioane 3:1

E sili atu mea lelei uma oute foa'iina mo oe nai
se mea e mafaia e lou tama faalelalolagi.
Mataio 7:11

Ona o a'u o le Tama ua silisili ona lelei.
Mataio 5:48

O mea alofa uma e atoatoa lona lelei e te maua ua
foaifuaina atu lea mai o'u lava lima.
Iakopo 1:17

Aua o a'u oute foaifuaina atu mea
aoga uma e te moomia.
Mataio 6:31-33

O o'u manatu mo le manuia o lou lumana'i
e tumu i faamoemoega lelei.
Ieremia 29:11

Ona oute alofa ia te oe ile alofa e faavavau.
Ieremia 31:3

O o'u manatu mo oe e le mafaitaulia
pei o oneone ole sami.
Salamo 139:17-18

Ma oute olioli ia te oe i viiga.
Sefanaia 3:17

E le uma lo'u agalelei mo oe.
Ieremia 32:40

Aua o oe o la'u oloa taua.
Esoto 19:5

Oute naunau ia totoina ia mautu lelei
oe ma lo'u loto atoa ma lo'u agaga atoa.
Ieremia 32:41

Oute fia faaali atu ia te oe mea
tetele male matagofie.
Ieremia 33:3

A e saili ia te a'u ma lou loto atoa,
ona e maua lea o a'u.
Teuteronome 4:29

Ia e fiafia mai ma olioli ia te a'u ona ou foaiina atu lea ia te
oe o mea uma e manao i ai lou loto.
Salamo 37:4

Aua o a'u na foaifuaina atu mea ia ua e loto i ai.
Filipi 2:13

E mafai ona ou faia mea e faasilisili
atu nai soo se mea e te ole mai ai.
Efeso 3:20

Aua o a'u o le e sili ona
faamalosi-au atu ia te oe.
2 Tesalonia 2:16-17

O a'u foi ole Tama e faamafanafana
atu i ou puapuaga.
2 Koronito 1:3-4

A e loto mafatia, o lea oute
latalata atu ia te oe.
Salamo 34:18

E pei ona sapaia e le leoleo mamoe lana tamai mamoe i ona lima,
ua faapena ona ou sapaia oe latalata i lo'u fatu.
Isaia 40:11

E iai le aso oute soloiesea ai loimata uma i ou mata.
Faaaliga 21:3-4

Ma ou aveesea uma puapuaga na
e mafatia ai i lenei lalolagi.
Faaaliga 21:3-4

O a'u o lou Tama, ma oute alofa ia te oe e faapei
ona ou alofa i lo'u lava atalii, o Iesu.
Ioane 17:23

Aua i totonu ia Iesu, ua faailoa
atu ai lo'u alofa mo oe.
Ioane 17:26

O Ia lea ua tutusa lelei ma a'u.
Eperu 1:3

Na Ia sau e faaali atu o a'u e au ma oe,
ae oute le faasagatau ia te oe.
Roma 8:31

Ma ta'u atu ia te oe oute
le o maitaua au agasala.
2 Koronito 5:18-19

Na maliu Iesu ina ia faaleleia ai oe ia te a'u.
2 Koronito 5:18-19

O lona maliu ole atoaga lena ole
faailoga o lo'u alofa mo oe.
1 Ioane 4:10

Ua ou foaia mea uma na ou manao
i ai ina ia ou maua lou alofa.
Roma 8:31-32

A e maua le mea alofa o lo'u atalii lea o Iesu,
ua e maua foi a'u.
1 Ioane 2:23

Ma e leai se mea na te toe
faate'aesea oe mai lo'u alofa.
Roma 8:38-39

Sau loa i lou aiga male olioli ma ole a ou saunia se fiafia sili
ona tele ua vaaia ile lagi.
Luka 15:7

Mai anamua o a'u ole Tama,
ma e faavavau lava o a'u ole Tama.
Efeso 3:14-15

O la'u fesili, e fia avea oe
ma se tasi o la'u fanau?
Ioane 1:12-13

Oute faatali atu mo oe.
Luka 15:11-32

Alofa tele atu, o lou Tama.
Le Atua e ona le mana uma.

Permission To Copy:
Please feel free to copy this text and share it with your friends as long as you do so free of charge and you include the following copyright information..."Father's Love Letter Used By Permission Father Heart Communications Copyright 2001-2008 Translated by Vui Muliagatele Kelemete Vitale www.FathersLoveLetter.com"